Muragijeyesu Alphonsine ni umudamu w’umugabo umwe n’umwana umwe, atuye mu Karere ka Rubavu. Ubwo yabanaga na Harerimana Emmanuel mu mwaka wa 2014 , yarwaye indwara y’umuvuduko w’amaraso nyuma bimuviramo no kurwara impyiko ze zombi. Ubu arwariye mu bitaro bikuru bya Gisenyi aho bamufasha kuyungurura amaraso.
Igihe kigera ku myaka icyenda yivuriza hirya no hino, ubushobozi bumaze kumushirana we n’umuryango ku buryo bigoye kubona ibisabwa ngo akomeze gukurikiranwa uko bikwiye.
Muragijeyesu avuga ko ubushobozi bubonetse yakwivuza kandi agakira. Akaba anasaba abantu b’umutima mwiza kumutera inkunga.
“Ubu njya nza hano mu bitaro bya Gisenyi kugira ngo basukure amaraso yanjye inshuro eshatu mu cyumweru. Gusa bavuze ko kugira ngo nkire neza bizasaba ko njya mu Buhinde aho badusabye kwitwaza amafaranga angana na miliyoni 21 z’amanyarwanda.” Niko Alphonsine yahamije.
Imitungo yabashizeho kuva mu mwaka wa 2014 , niho yakomeje agira ati: “ Ndasaba inkunga buri umwe wese wumve iby’inkuru yanjye kugira ngo nanjye nkomeze gukorera umuryango n’igihugu cyanjye. Ibi wenda byatuma nongera kugira ubushobozi bwo kubyara undi mwana.”
Dr Nyandwi Eugene,akorera mu bitaro bya Gisenyi ndetse anasanzwe akurikirana Muragijeyesu by’umwihariko, ahamya ko mu gihe yaba ahawe impyiko nk’uko biteganyijwe , azaba muzima akomeze ubuzima nk’ubwa mbere ya 2014. Aha ndetse niho yahereye anamara impungenge z’uko gutanga impyiko ntacyo bitwara uwayitanze.
Niba nawe ufite umutima wo gufasha uyu muryango nimero ya Telefone wababonaho ni 0782679211, Umugabo we ni 0781819833.
Tanga Igitekerezo