Kuri uyu wa kabiri tariki 12 Nyakanga 2022 Umusore witwa Munyampundu Aaron na none akaba azwi mu myidagaduro nka Selekta Daddy, agiye kwizihiza isabukuru y’ amavuko yatumiwemo ingeri zose ziganjemo urubyiruko rw’ abasore n’ inkumi.
Aganira n’ Ikinyamakuru UBUVUMBUZI, Dj Selekta Daddy yavuze ko ikintu cya mbere mu buzima kimunyura ari ukwishima ariko by’ umwihariko ari kumwe n’ inshuti ze. Uyu munsi mukuru uzabera ahitwa Roxy Club (Kwa Nyanja), hashize iminsi ku mbuga nkoranyambaga hacicikana ubutumwa bugaragaza ko benshi bazitabira iyi sabukuru. Buri muntu uzajya muri iki gikorwa azaba yambaye imyabaro y’ umweru kuva hasi kugera hejuru.
Daddy mu magambo ye, yakomeje atangariza ikinyamakuru UBUVUMBUZI ko nubwo kwinjira ikiguzi cyabyo ari amafaranga ibihumbi bitanu y’u Rwanda, uzayatanga azayahabwamo icyo asanzwe anywa agezemo imbere. Niho yashimangiye ko nta mpungenge bikwiye gutera kuko ikigamijwe ari ibyishimo kuri bose.
Abajijwe n’ umunyamakuru niba hari abahanzi bazaririmba, Daddy yagize ati: “ Yego barahari gusa ni ibanga. Abazitabira bazajya batungurwa no kubona ku rubyiniro uwo batakekaga.”
Ibikorwa byo kwizihiza isabukuru ya Selekta Daddy biteganyijwe ko bizatangira kuva saa kumi n’ ebyiri z’ umugoroba kugeza mu rukerera.
KANDA HANO WUMVE RADIO
Tanga Igitekerezo